Японд үргүйдлийн эмчилгээний зардлыг улсын эрүүл мэндийн даатгалд хамруулснаас хойш ихэр, гурван ихэр зэрэг олон урагтай жирэмслэлтийн тоо эрс өсжээ. Судалгаагаар 2023 онд туслах нөхөн үржихүйн аргаар үүссэн олон урагтай жирэмслэлт 4,354-д хүрсэн нь өмнөх оноос 36 хувиар өссөн үзүүлэлт бөгөөд түүхэн дээд хэмжээнд тооцогдож байна.
Судлаачдын үзэж буйгаар даатгалаар хязгаарлагдмал тооны үр хөврөл шилжүүлэн суулгах үйлчилгээг санхүүжүүлдэг тул зарим эмэгтэйчүүд жирэмслэх магадлалаа нэмэгдүүлэхийн тулд нэг дор хоёр ба түүнээс олон үр хөврөл суулгахыг сонгох болсон байна.
Японы Эх барих, эмэгтэйчүүдийн нийгэмлэг өндөр эрсдэлтэй жирэмслэлтээс сэргийлэх үүднээс нэг удаад нэг үр хөврөл суулгахыг зөвлөдөг. Гэсэн ч 2023 онд олон урагтай жирэмслэлтийн хувь 3.8 хувьд хүрч өссөн бөгөөд ихэнх нь ихэр жирэмслэлт байсан ч 69 тохиолдолд гурван ихэр, зургаан тохиолдолд дөрвөн ихэр бүртгэгджээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!