2026 оны FIFA Хөлбөмбөгийн Дэлхийн аварга шалгаруулах тэмцээн 2026 оны зургадугаар сарын 11-нд Мексик улсын нийслэл Мехико хотын “Estadio Azteca” цэнгэлдэхэд албан ёсоор нээгдсэн бөгөөд энэ нь тэмцээний анхны тоглолт болох Мексик vs Өмнөд Африкийн тоглолтын өмнө болсон томоохон шоу арга хэмжээ байлаа.
Нээлтийн ёслолыг олон улсын хэвлэлүүд “урьд өмнө байгаагүй хамгийн өргөн цар хүрээтэй хөлбөмбөгийн нээлт” гэж тодорхойлж байгаа бөгөөд энэ удаагийн тэмцээн нь анх удаа 3 өөр улсад зэрэг нээлтийн арга хэмжээ зохион байгуулсан онцлогтой.
Мехикод болсон үндсэн нээлтийн тайзны хамгийн том мөч нь хөгжмийн домогт оддын тоглолт байсан бөгөөд голлон анхаарал татсан үзүүлбэрийг Колумбын дуучин Shakira болон Нигерийн уран бүтээлч Burna Boy нар хамтран дууллаа. Тэд тэмцээний албан ёсны дуу болох “Dai Dai”-г анх удаа амьд тайзнаа дуулж, нээлтийн уур амьсгалыг бүрдүүлсэн гэж олон улсын хэвлэлүүд мэдээлжээ.
Shakira нь сүүлийн 20 жилийн турш FIFA Дэлхийн аварга шалгаруулах тэмцээний тайзтай хамгийн тогтмол холбогдож ирсэн уран бүтээлч болж байна.
Түүний Дэлхийн цомтой холбогдсон гол уран бүтээлүүдийг он цагийн дарааллаар товчлон дурдвал:
2006 - “Hips Don’t Lie” (Wyclef Jean-тай хамт, хаалтын ёслол)
2010 - “Waka Waka (This Time for Africa)” (албан ёсны дуу, нээлт ба хаалт)
2014 -“La La La (Brazil 2014)” (хаалтын ёслол)
2026 -“Dai Dai” (албан ёсны дуу, нээлтийн шоу)
Эдгээр үзүүлбэрүүд нь зөвхөн хөгжмийн амжилт бус, Дэлхийн цомын соёл, дүр төрхийг бүрдүүлсэн глобал поп соёлын нэг хэсэг болон үлдсэн бөгөөд Шакираг спорт ба хөгжмийн огтлолцлын хамгийн тод бэлгэ тэмдэг болгожээ.
Дууг үзэж, сонсох линк:Shakira and Burna Boy perform Dai Dai at FIFA World Cup 2026 Opening Match!
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!