Шатар бол улс үндэстэн, хэл соёл, хил хязгаарыг даван хүмүүсийг оюун ухаанаар нь холбодог дэлхийн спорт юм. Тэр дундаа Азийн шатрын аварга шалгаруулах тэмцээн нь тивийн шилдэг шатарчдыг нэг дор цуглуулж, оюуны спортын хөгжлийг тодорхойлдог хамгийн нэр хүндтэй тэмцээнүүдийн нэг билээ.
Тэмцээний түүх
Азийн шатрын аварга шалгаруулах тэмцээн нь Азийн Шатрын Холбооны зохион байгуулдаг хамгийн том тэмцээнүүдийн нэг бөгөөд эрэгтэй, эмэгтэй ангиллаар зохион байгуулагддаг. Эмэгтэйчүүдийн ангилал анх 1981 онд эхэлсэн бол нээлттэй буюу үндсэн ангиллын тэмцээн 1998 оноос эхлэн тогтмол зохион байгуулагдаж эхэлжээ.
Энэ хугацаанд тэмцээн Азийн олон оронд зохион байгуулагдсан байна. Үүнд:
- Iran — Тегеран, Машхад
- India — Удайпур, Колката, Хайдерабад, Нью Дели
- Qatar — Доха
- Philippines — Себу, Манила, Макати
- Vietnam — Хо Ши Мин
- United Arab Emirates — Шаржа, Аль-Айн
- Uzbekistan — Ташкент
- China — Чэндү, Шинтай
- Kazakhstan — Алматы
- Ulaanbaatar — 2026 он
2026 онд Азийн шатрын аварга шалгаруулах тэмцээн анх удаа Монгол Улсад зохион байгуулагдаж байна. Энэ нь зөвхөн спортын үйл явдал бус Монголын шатрын хөгжил олон улсын түвшинд хүрснийг харуулсан томоохон үнэлгээ юм.
Улаанбаатар хотноо болж буй энэ удаагийн тэмцээнд Азийн 30 орчим орны 240 гаруй шилдэг шатарчин оролцож байгаа бөгөөд дэлхийн хэмжээний их мастерууд нэг дор өрсөлдөж байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!