Төрийн Ордныг том төсөл хулгайлах, тэмцэлийн талбар болгож байна

Төрийн Ордонд өшөө авалт, талцал хуваагдал ихсэх боллоо. Тэд төрийн эрх мэдлийг зөвхөн бодлого, хөгжлийн хэрэгсэл гэхээсээ илүү эрх мэдэл, төсөв, тендер, лиценз, том төслүүдийг хулгайлах тэмцлийн талбар болгож байна. Ингээд улстөрчийн шийдвэр гаргалт бол тэдний “ашиг хуваах тэмцэл” болсон.

Багагүй хугацаанд үргэлжилсэн энэ байдлыг өөрчлөх хоёр арга бий. Нэг талаас, гол шийдэл нь хүн гэж үздэг. Эрдэм боловсролтой, жудагтай, хамгийн гол нь хулгайчидтай нийлдэггүй, ганыхны гар хөл болдоггүй.

Нэг ёсондоо төрд байхаар бэлтгэн боловсрогдсон хүн л чухал. Нөгөө талаас зөвхөн хүнийг сольсноор асуудал бүрэн шийдэгдэхгүй, харин тогтолцоо, хяналт, хариуцлагын систем ч мөн адил чухал гэж үздэг.

Гэвч хяналт тогтолцоог мөн Засгийн газар хийнэ. Тэгэхээр хүн л гэсэн үг. Иймдээ ч Засгийн газрын тэргүүн л хамгийн зөв хүн байхаас гадна тодорхой хандлагыг хүлээдэг болжээ.

Гомбожавын Занданшатарын засаг хулгайчид гэдийдэг, төрд бөхийдөг гэсэн зарчмаар ажилласан нь ард түмний сайшаалыг хүртсэн. Цааш цаашдын засгийн газар ч төрд бөхийж, хулгайчид гэдийдэг байхыг иргэд хүлээж байна. Төрийн Ордонд том төслүүдийг хулгайлах тэмцлийн талбар болгож байна ямар үр дүнд хүрэхийг харж ажиглаж сууна. Мөн л нөгөө зарчмаар хулгайчид хэн гэдийж, төрд хэн бөхийх бол ард түмэн ажигласаар сууна. Хүнийг үгнээс илүү үйлдлээр дүгнэдэг гэдгийг л харж байна.