Хүүхэд нийгэмд ямар зан харилцаатай байж, бусадтайгаа хэрхэн харилцах нь гэр бүлийн хүмүүжлээс шалтгаалдаг байна. Тэр тусмаа эцэг эхчүүдийн оролцоо тэднийг зөв хүн болгон нийгэмшихэд том нөлөө үзүүлж байгаа юм. Тухайлбал, олон улсын боловсролын судалгаагаар хүүхэд дээрэлхэлтэд өртөх эсвэл дээрэлхэгч болох эрсдэлийг бууруулахад гэр бүлийн орчин хамгийн хүчтэй нөлөө үзүүлж байгааг онцолсон байна.
Тодруулбал, эцэг эхчүүд хүүхэдтэйгээ тогтмол ярилцах, онлайн орчных нь хэрэглээг хянах, Өөрийн биеэр үлгэр дуурайлал үзүүлэн, хүүхэдтэйгээ болон бусадтай хүндэтгэлтэй харьцаж байх хэрэгтэй аж. Мөн тогтмол хүүхэддээ хүндэтгэлийн үлгэр дуурайлал үзүүлэх, асуудал гарвал сургуультай хамтран ажиллаж байх нь хамгийн үр дүнтэй.
Олон улсын туршлагаас харахад үе тэнгийн дээрэлхэлттэй тэмцэх хамгийн үр дүнтэй арга нь зөвхөн шийтгэл биш, бага наснаас нь харилцааны ур чадвар заах, сурагчид бие биенээ дэмждэг системийг боловсруулах. Эцэг эхийн идэвхитэй оролцоо, технологийн дэмжлэг зэрэг хамтарсан нэгдсэн бодлоготой байхыг хүүхэд хөгжлийн судлаачид зөвлөж байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!