2026 оны 2 дугаар сарын 21-нээс 22-ны өдрүүдэд АНУ-ын Колорадо мужийн Лонгмонт (Longmont, Colorado) хотноо Олон улсын уулын холбооны (UIAA) Мөсөнд авиралтын дэлхийн цомын тэмцээн амжилттай болж өнгөрлөө.
Тус тэмцээнд дэлхийн 25 орны 100 гаруй тамирчин хурдны болон хүндрэлийн төрөлд өрсөлдсөн юм. Тэмцээний эрэгтэйчүүдийн хурдны төрөлд Монгол Улсын тамирчин Ч.Мандахбаяр 6.28 секундын амжилтаар мөнгөн медаль, тамирчин Н.Хэрлэн 6.31 секундын амжилтаар хүрэл медаль тус тус хүртсэн байна.
Лонгмонт (Longmont) хотын Уулын спортын клубээс зохион байгуулсан уг тэмцээн 12 метрийн өндөр ханан дээр явагдсан бөгөөд тамирчид хамгийн богино хугацаагаа тогтоох гурван оролдлого хийжээ. Манай тамирчид медалийн болзол хангасан амжилтаа хоёр дахь оролдлогоороо үзүүлсэн байна.
Эдгээр амжилтууд нь олон улсын мөсөнд авиралтын спортод Монгол Улсын нэр хүндийг өсгөж буй үйл явдал боллоо. Манай баг тамирчид одоо Канадад болох Дэлхийн цомын финалын шатны тэмцээнд оролцохоор бэлтгэл ажилдаа ороод байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!